مدرسات و مدرسي الشويفات حياكم

سلام عليكم خواتي و اخواني
عندي استفسار و يغيت اي احد يدرس في الشويفات او يعرف احد يدرس في الشويفات فرع الشارقه يرد علي.

السؤال اهو, ماذا يدرس الطالب في مرحلة الكي جي 1؟
و اشلون الدين عندهم, قالوا لي انه نفسه منهج الوزاره, عيل اشلون يقلون الدين عندهم ضعيف اذا نفس المنهج اللي قررته الوزارة؟
اشلون الطلبه هناك, هل محترمين ولا فيه لعب و دلع بالمدرسه خصوصا انهم بنات و صبيان مختلط لحد الثانويه؟؟

شاكره للجميع تفاعلهم معاي و ما تقصرون

ليش عاد مافيه تفاعل؟؟؟

السلام عليكم
أنا ما درس حد من عيالي في مدرسة الشويفات ( والحمد لله )

لكن اللي اعرفه إن معظم المدرسين فيها نصارى .. خصوصا مرحلة الروضة
وبالنسبة لمنهج التربية الإسلامية ..
إنت تتحسبين لما يقولون إنهم يدرسون نفس منهج الوزارة يعني خلاص الدنيا بخير
لا حبيبتي .. بعض المدارس تختار من الكتاب اللي يعجبها وتترك اللي ما يعجبها وما تحسس الطلاب إن درجات المادة مهمة .. وايد مدارس خاصة ما تخلص المنهج كامل ..
وبالنسبة للاختلاط .. حدث ولا حرج ..

هذا الكلام سمعته من بعض اللي نقلوا عيالهم من المدرسة

السلام عليكم ورحمة الله وبركاته ……….. أنا ابنتي تدرس في الشويفات فرع الشارقة المدرسة ممتازة صح أنها ما تكمل كتاب التربية الإسلامية ولا اللغة العربية ولكن العيال ولله الحمد ما يقل مستواهم عن الطلاب اللي يدرسون في المدارس الحكومية وأنا مرة خذت ولدي أثناء إجازة الشويفات معاي المدرسة فقالت معلمة اللغة العربية أن مستواه ممتاز وفي نفس مستوى طلابها أما من ناحية الإختلاط فصف رابع ( صف بنتي ) بعدهم صغار وما في مشكلة من الإختلاط ما دام فيه رقابه شديدة عليهم وأصلا بنتي متعوده على ها الشي فما فيه مشكله بالنسبه لها ولله الحمد أما من ناحية التربية الدينية فأنت ازرعي في عيالج القيم والعادات الصحيحة ولا تنتظرين من حد يسويلك ها الشي حتى في مدارسنا الحكومية المعلمة مشغولة بتنفيذ المنهج وما عندها وقت للتربية ..

الله يوفقكم

تسلمون خواتي على الردود و ما تقصرون